Hentleikar
|
Sjálvtøkur
Í forhøllini eru tvær sjálvtøkur við sodavatn og góðgæti, ein sjálvtøka við kaffi, te v.m. og ein sjálvtøka við køldum vatni.
Tær standa við bíðiøki.
Frisør
Eftir avtalu fæst hárviðgerð á deildini fyri vanligan prís.
Postur
Postur kemur á deildina hvønn fyrrapart gerandisdagar. Tætt við høvuðsinngongdina á sjúkrahúsinum er ein postkassi, sum verður tømdur hvørt gerandiskvøld kl. 19.30.
Avísir
Sjúkrahúsið heldur føroysk bløð, og hvør deild fær nøkur eintøk. Harumframt eru bløð at fáa til keyps í Kafe'ini í forhøllini.
Útvarp og sjónvarp
Ymiskt er, um seingjarstovurnar hava útvarp og sjónvarp. Á teimum seingjarstovum, har einki útvarp ella sjónvarp er, eru hesi at finna í uppihaldsstovuni. Eisini eru ymisk spøl á deildunum.
Blómur
Tað er loyvt at hava avskornar blómur á sjúkrahúsinum, tó ikki á intensivu deild og føðideildini. Plantur í mold eru ikki loyvdar á deildunum, orsakað av smittuvanda.