|
Við høvuðsdyrnar
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss.
Er tú sjúklingur, ið skalt til viðtalu, verður mælt til at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini.
Tú skalt tá upplýsa nummarplátu á tínum bili, og leggja loyvi tú fært útflýggja á eitt sjónligt stað í bilinum.
Um tú skalt taka blóðroynd
Skalt tú taka blóðroynd, skalt tu møta í bláa bygninginum yvirav høvuðsinngongdini, hinumegin J.C.Svabosgøtu.
Har er óavmarka parkering.
Um tú ert blóðgevi
Skalt tú geva blóð, ber til at parkera á serstøkum P-øki til blóðgevar frammanfyri Landssjúkrahúsið móti sjónum, har inngongdin til Rannsóknarstovuna er.
Har er óavmarka parkering fyri blóðgevar. Onnur eiga ikki seta bilin frá sær á hesum P-økinum.