Fysisk roynd
1.venjing: 4. Kropslyftingar
Hong í ovastu rim við bringuni inn ímóti. Tak innundir rimina og lyft teg upp til høkan er uppiyvir ovastu rim. Undir hvørjari endurtøku skal vinkulin millum yvirarm og undirarm vera meira enn 90°. Við øðrum orðum nýtist tær ikki at hava strektar armar millum hvørja endurtøku.
2.venjing: 8. einstakar knæboyggingar, vinstra
Statt við vinstra fóti fremst. Aðrari hondini á mjødnini og hinari á rimini (bert til javnvág). Djúp knæboygging á vinstra beini (lærið vatnrætt). Høgri fótur stiðjar bert fyri at halda javnvágini.
3.venjing: 12 búkboyggingar
Ligg á rygginum við fótunum millum 3. og 4. rim, og knøunum boygd 90° við hondunum aftan fyri nakkan. Ger kropsboyggingar frameftir til albogarnir nerta við knøini, aftan á hetta ligg aftur á rygginum til albogarnir nema við gólvið.
4.venjing: 8 stk. einstakar knæboyggingar, høgra
Eins og venjing 2, men við høgra fóti fremst.
5.venjing: 10 armstrekkingar
Ligg á búkinum við hondunum undir akslunum. Ger armstrekkingar og boyggingar, meðan kroppurin er strektur og bert bringan nemur við gólvið meðan tú gert armboyggingarnar.
6.venjing: 10 reaktiónsvenjingar
Ligg á búkinum við hondunum strektum framman fyri høvdinum. Síðani skulu hendurnar undir akslarnar og strekk armarnar. Blaka beinini frameftir ígjøgnum armarnar og ligg á rygginum við ørmunum á gólvinum strektum uppi yvir høvdinum, (tel 1), aftur øvutan veg til byrjanarstøðuna (tel 2). Beinini skulu hvørja ferð fara ígjøgnum armarnar.
7.venjing: 12 kropsboyggingar aftureftir
Ligg á búkinum við fótunum millum 1. og 2. rim, við hondunum aftan fyri nakkan. Boygg kroppin so langt aftureftir at høvdið verður lyft umleið 50 cm. upp frá gólvinum.
8.venjing: 12 einglahopp
Sit og húk við øðrum fótinum eina fótslongd framman fyri hinum, stiðja fingrarnar móti gólvinum. Set av við hondum og fótum og hoppa høgt upp í loft við ørmunum strektum yvir høvdinum, og síðani aftur til byrjanarstøðuna við mótsetta fótinum fremst. Undir venjingini skalt tú hava rættan rygg, knøini skulu boyggjast millum hoppini.
Bronsusirkulin skal gerast 3 ferðir innan 15 minuttir fyri at standa royndina. Innihaldið í roydnini er eins hjá kvinnum og monnum.
Kropslig roynd hjá monnum:
Minstukrøv fyri allar venjingar:
Kropslig roynd hjá kvinnum:
Renniroynd
Renn so langt ið tú orkar í 12 minuttir.
Royndin skal standast við einum miðal konditali. Í skemanum niðanfyri sært tú, hvussu langt tú skalt renna fyri at hava eitt miðal kondital.
Undir renningini fer eitt umboð hjá Sjúkraflutningstænastuni at renna saman við luttakaranum fyri at vísa teimum hvussu skjótt neyðugt er at renna.
Coopertest skema:
Aldur longd/metur Km tíð kondital miðal
Menn: 20-24 2620 4 min 30 sek 47,0
25-29 2550 4 min 40 sek 45,5
30-34 2440 4 min 52 sek 43,0
35+ 2350 5 min 07 sek 41,0
Kvinnur: 20-24 2200 5 min 28 sek 39,0
25-29 2140 5 min 37 sek 38,0
30-34 2000 5 min 59 sek 35,5
35+ 1930 6 min 12 sek 33,5
Svimjing
Luttakarin skal klára at svimja 200 m innan 7,5 minuttir.
Hesir svimjihættir kunnu nýtast: Bringusvimjing, crawl, ryggcrawl og butterfly. Luttakarin má ikki nema við kantin undir svimjingini.
Kropslig roynd
Eitt strekki á 5 m x 10 m verður avmerkt við fýra trappum í ymiskari hædd. Luttakarin skal hereftir ígjøgnum strekkið tríggjar ferðir við tveimum kettlebells - einari í hvørjari hond. Luttakarin skal kunna traðka upp á allar fýra trappur meðan luttkarin hevur eina kettlebell í hvørjari hond. Eftir hvørja rundu skal luttakarin gera tíggju knæboyggingar, har báðar kettlebells skulu niður at raka gólvið hvørja ferð. Luttakarin skal gjøgnumføra allar tríggjar rundur uttan at sleppa kettlebells'unum.
Eftir tær 3 rundirnar, hevur luttakarin tilsamans gingið 120 m, 16 trapputrin og gjørt 30 knæboyggingar.
Fylgjandi vekt verður viðmæld:
Kvinnur: 2 x 16 kg
Menn: 2 x 24 kg
Tá ein umsøkjari hevur staðið samlaðu royndina, so er hon galdandi í 10 mðr. frá degnum, tá royndin bleiv staðin. Hetta merkir, at um umsøkjarin 6 mðr. eftir at hava staðið royndini søkir eitt nýtt starv, so er ikki neyðugt hjá umsøkjaranum at taka eina nýggja roynd.
Ein nýggj roynd skal bert takast, um umsøkjarin eftir teir 10 mðr. søkir eitt nýtt starv.
Heildarmeting
Mett verður um umsøkjararnar út frá eini heildarmeting.