Føroyska heilsuverkið bjóðar øllum kvinnum í aldursbólkinum 25-60 ár regluliga fyribyrgjandi kanning fyri lívmóðirhálskrabba. Tað ber til við einari einfaldari kanning hjá kommunulæknanum.
Allar kvinnur í aldursbólkinum 25-60 ár fáa innkallingarbræv frá Landssjúkrahúsinum triðja hvørt ár við eini áminning um, at tíð er til nýggja kanning hjá egnum kommunulækna. Tú ringir sjálv til kommunulæknan og biður um eina tíð.
Hevur tú ikki fingið innkallingarbræv, eigur tú at ringja til Landssjúkrahúsið á tel. 304500 og biðja um patologisku deild. Har skalt tú gera vart við, at tú ikki fært innkallingarbræv.
Les meira her.
