Corona.fo

Bíðilistar- og tíðir í Sjúkrahúsverkinum

31-08-2021

Sjúkrahúsverkið er farið undir at almannakunngera bíðilistarnar á útvaldum sergreinum. Byrjað verður í smáum og eftir ætlan verða fleiri økir løgd aftrat so hvørt. Sí nýggjastu bíðilistarnar HER

Viðmerkingar til bíðilistarnar
Tíðarskeiðið við koronu ávirkaði bíðilistarnar í 2020, tá bíðitíðin til fyrstu viðtalu á summum økjum vaks við upp í móti tveir mánaðum.

Barna- og ungdómspsykiatriin hevur fingið metnógvar nýggjar ávísingar í 2020 og í 2021 og ávirkar hetta bíðitíðina. 

Stór framgongd hevur verið innan Ortopedi – ryggskurð eftir, at sergreinin varð tikin heim. Hetta økið varð rættiliga hart rakt av koronu í vár, men tykjast bíðilistarnir hava laga seg. 

Gev gætur at Ortopedi – knø og mjadnar bert fevnir um Landssjúkrahúsið. Tíðin við koronu hevur ávirkað allar skurðviðgerðir og tá trot samstundis er á skurðlæknum, so vaksa bíðilistarnir og bíðitíðin.

Landssjúkrahúsið er í gongd við átak at fáa bíðilistarnar innan ADHD-vaksin niður, men samstundis eru komnar metnógvar nýggjar ávísingar, so framvegis er bíðitíðin long.

Neurologiin hevur verið eitt raðfest øki seinnu árini og bíðitíðin varð stytt úr 12 mánaðum niður í minni enn tveir mánaðir, men nú er bíðitíðin kvinka uppaftur. Arbeitt hevur miðvíst við at betra sjúklingagongdirnar og nú vitja neurologiskir konsulentar munandi oftari enn fyrr.

 

Landssjúkrahúsið

Visión

Fá tað nýggjasta frá Landssjúkrahúsinum

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Hjá okkum er sjúklingurin í miðdeplinum.Vit veita virðiliga, skjóta, góða og samanhangandi sjúkugreining (diagnostikk), viðgerð, røkt, heilsufremjan og endurmenning í samstarvi við sjúklingin og tey, ið varða av.