MaSu-verkætlanin

Føðsla og venjing til skurðsjúklingar.

Verkætlanin MaSu fevnir um skurðsjúklingar við føðslutroti á Landssjúkrahúsinum. MASU kanningin er ein liður í eini PhD verkætlan og tekur sjúklingar í tíðarskeiðnum frá apríl 2018 til september 2019. Heitið á kanningini er Malnutrition in surgical patients in Faroe Islands. Post-discharge nutrition and resistance training (MASU study).

Kanningin er ein sokallað trý-armað randomiserað kontrollerað kanning. Sjúklingarnir, sum vera við, vera býttir tilvildarliga í tríggjar bólkar, sum tey luttaka í í 8 vikur:  

1) ein triðingur fær útflýggjað orkuríkar drykkir tvær ferðir um dagin í 8 vikur (diet) 

2) ein triðingur fær venjing hjá fysioterapeuti tríggjar ferðir um vikuna umframt orkuríkar drykkir tvær ferðir um dagin í 8 vikur (diet + exercise) 

3) seinasti triðingurin fylgir vanligari mannagongd á Landssjúkrahúsinum (controls)  

Endamálið við kanningini er at kanna:

• um ein interventión sum henda kann fyribyrgja tap av vøddavevnaði, sum ofta sæst hjá skurðsjúklingum aftaná útskriving. 2 proteindrykkir um dagin geva 600 kcal og 22 g protein eyka í 8 vikur. Vøddavevnaður verður mátaður við at brúka DEXA skannaran (Dual-energy X-ray absorptiometry) á Landssjúkrahúsinum.
• Harumframt lýsa vit lívsgóðskuna, styrki, kropsligar førleikar, føðslustøðu og onnur klinisk eyðkenni hjá luttakandi sjúklingum.
• Eisini verðurða endurinnleggingar og deyðstíttleiki skrásett aftaná 6 mánaðar.

Kanningin er góðkend av Vísindasiðsemisnevndini og Dátueftirlitinum og fíggjað partvíst innanhýsis í heilsuverkinum umframt við fígging frá Sjúkrakassagrunninum, Københavns Universitet og Nestle Health Science, ið veitir orkuríkar drykkir.
Stigtakari til hesa føðslukanning av skurðsjúklingum er Poula Patursson, PhD-lesandi, kliniskur dietistur og cand.scient. í klinisk ernæring.

Føðslutrot í samband við sjúku er sera útbreitt millum skurðsjúklingar, har umleið 40-50% lætna ella eta ov lítið til at fasthalda almennstøðuna. 70% av teimum sjúklingum, ið lætna undir innlegging, lætna enn meira aftaná tey eru komin heim av sjúkrahúsinum. Kanningar av føðsluviðgerð til skurðsjúklingar hava áður bert mátað vekt, meðan henda kanningin leggur dent á vøddavevnað (DEXA skanning), tí hetta hevur nógv størri týdning fyri útlitini hjá sjúklingum. 

Les meira um kanningina í vinstra bredda

-------------------------------------------------- 
Tal av vitjandi her á síðuni:  

 
-------------------------------------------------- 

NÝTT UM MASU

23. JANUAR 2020

Framløga á ráðstevnu

Altjóða FOOTBALL IS MEDICINE ráðstevnan verður í Føroyum nú um vikuskifti. Eg skal halda eitt stutt upplegg, sokallað oral presentation leygardag fyrrapart kl. 11:30. Hóast he... Les meira

23. MAI 2019

Granskingardagur á LS

Í dag er Granskingardagur í forhøllini á Landssjúkrahúsinum. Stuttir fyrilestrar verða og Bente Klarlund Petersen kemur til Føroya at halda fyrilestur um ítrótt og venjing í sam... Les meira