Psykiatrisk viðgerðartilboðTil hesi tilboð krevst innahýsis ávísing, tað vil siga, at tað eru læknar og psykologar á Psykiatriska deplinum, sum vísa til hesi tilboð. Hvørki aðrir serlæknar, kommunulæknar ella psykologar sum starvast aðrastaðni kunnu vísa til tilboðini. Tey kunnu bara ávísa til Psykiatriska depilin generelt. Tað er síðan serkunnleikin her á staðnum sum metir um, hvørji tilboð eru mest gagnlig fyri einstaklingin. |
Bólkaviðgerðir
Dialektisk atferðarterapi (DAT)
|
Tað eru læknar og psykologar á Psykiatriska deplinum, sum vísa til tær ymisku viðgerðirnar sum eru her á staðnum. Talan er bæði um sokallaðar stakviðgerðir, har man er einsamallur, og bólkaviðgerðir, har man er saman við øðrum í bólkum.
Onkuntíð eru bólkarnir afturlatnir, tað vil siga at øll byrja í senn og nýggj fólk koma ikki í bólkin. Tað kemur oftast fyri tá talan er um styttri viðgerðir, sum t.d. kognitiv bólkaviðgerð. Í øðrum førum er bólkurin opin, tað vil siga at fólk koma og fara eftir tørvi. Aftur aðrar tíðir er talan um sokallaðar "hálvopnar" bólkar, tað vil siga, at fólk koma í bólkin ávís tíðarskeið. DAT bólkarnir eru dømi um hálvopnar bólkar, har nýggj fólk kunnu koma upp í millum hvørt modulið.
Fyri kunning um ferðaendurgjald, trýst her