Deildarkunning
P10
|
Telefontíðir
P10 (Læknaskrivarir)
|
Leiðsla
Rasmus Maltesen, yvirlækni
|
Ambulanta viðgerðin á Psykiatriska deplinum fevnir um ymisk tilboð, sum antin eru heilsufremjandi, fyribyrgjandi, linnandi ella viðgerandi og oftast eitt sindur av øllum. Miðað verður í móti, at viðgerðin altíð verður sett saman av tilboðum, sum samsvara tørvin hjá sjúklinginum. Talan kann verða um terapeutiskar samrøður, útgreining, fysiskar aktivitetir, menning og/ella endurvenjing av kognitivum, fysiskum og øðrum førleikum, viðgerð av sálarløstum o.s.fr , og viðgerðirnar kunnu bæði verða einstaklingaviðgerðir ella viðgerð í bólki. Ambulant viðgerð fevnir sostatt um ógvuliga nógv og ymisk tilboð, og hugtakið "ambulant" tilskilar einamest, at man ikki er innlagdur.
Ambulanta viðgerðin er staðsett ymsastaðni á økinum og fevnir um fakbólkar, sum arbeiða bæði mono - og tvørfakligt. Tað eru fleiri deildir sum bjóða ambulanta viðgerð, men vit hava savna frágreiðingarnar um øll bólkatilboðini saman undir hesum breddanum. Frágreiðing um tey tilboðini, sum eru staðsett aðarstaðni, t.d. í fysioterapiini ella demensklinikkini, eru eisini at finna undir tí breddanum.
Ávísing til ambulanta viðgerð
Tað er kommunulæknin sum ger av at ávísa til Psykiatriska depilin. Tað eru læknar her á staðnum sum avgera, um talan skal verða um ambulanta viðgerð ella um innlegging. Ávísingin til ambulantu viðgerðartilboðini er sostatt ein innanhýsis avgerð. Tað er tó ikki fyrrenn ávísing er komin frá kommunulækna ella øðrum serlækna til Psykiatriska depilin, at tann avgerðin verður tikin.
Endurnýggjan av resept
Tú kanst endurnýggja resept, við at senda teldupost til psykmed@ls.fo
Í teldupostinum skal upplýsast:
- Fornavn og eftirnavn
- Føðidato
- Navn og styrki á heilivági, sum skal endurnýggjast
- Apotekið, sum heilivágurin skal sendast til
Serlæknaváttan
Fyri at fáa serlæknaváttan, má ein seta seg í samband við Almannaverkið, tlf 360000, teldupost av@av.fo
Fyrispurningar og fráboðanir
Hevur tú onkran fyrispurning um eitthvørt ella skal boða frá onkrum, t.d. avlýsa ella umbóka eina tíð, ger tú tað best við at skriva til psykinfo@ls.fo
So slepst undan at standa í bíðirøð í telefonini og læknaskrivararnir svara, so skjótt tað ber teimum til.
Um tú hevur eini boð til depilsleiðsluna, skulu hesi sendast til leiðslufulltrúan Bill McLeod Jacobsen á bilmc@ls.fo