TelefonAvvarðandi kunnu tosa við starvsfólk á deildini við at ringja á telefon 304500 og biðja um lokalnr 4445 ella 4446. |
Deildarleiðari
Marja Lund Gjógvará
|
Sjá faldara her
PA starvast sjúkrarøktarfrøðingar, heilsurøktarar og reingerðarfólk. Aðrir yrkisbólkar eru eisini tilknýttir deildina: Læknar, psykologar, fysioterapeutar, ergoterapeutar, musikterapeutur og umboð fyri avvarðandi. Harumframt eru lesandi javnan knýtt at deildini.
Vaktarskiftið millum starvsfólk er kl 07.00, kl 15.00, og kl 23.00. “Kunning millum vaktir” verður givin við vaktarskiftið
Starvsfólkini hava fakligan fund, ið nevnist ”Fokus” kl 12.30-13.00 og 18.30-19.00.
Starvsfólkið í psykiatriini vilja fegin hjálpa tær at fáa tað betri, og vit ynskja at samstarva við teg um tína viðgerð:
Hvussu skal sjúkan viðgerðast?
Fyri at finna fram til, hvussu tú best kann viðgerðast fyri tína sjúku, skal ein neyv útgreining gerast av teimum eyðkennum og trupulleikum, sum tú hevur. Teir ymisku fakbólkarnir geva sítt íkast til, at fáa eina so dygdargóða útgreining sum til ber
Fysiskur aktivitetur
Hvønn dag kl. 11.00 er gongutúrur, har møguleiki er at velja millum at ganga ein styttri ella longri tein. Venjingarhøli við venjingartólum er tøkt, sum sjúklingurin kann nýta eftir avtalu við starvsfólkið. Tríggjar morgnar um vikuna er fimleikur í samband við morgunfundin á eindini.
Psykiatrisk viðgerð
Undir innleggjanini ynskja vit at veita dygdargóða røkt og viðgerð. Málið er, at áseta diagnosu og málrætta viðgerðina eftir tínum tørvum. Málið er eisini at styrkja tínar møguleikar til at skilja tína sjúku og at handfara støðuna.
Fysiskir karmar
Á deildunum eru einastovur, tó kann verða neyðugt at deila stovu, um plásstrot er. Baði-/vesihentleikar eru felags. Eisini hevur deildin uppihaldsrúm við sjónvarpi, vaskirúm, matstovu og tvær vitjunarstovur. Uttanduraøkið er eisini til sjúklingar at gagnnýta. Um summarið verður urtagarðurin nýttur til millum annað uttanduraspøl, at grilla og hugna.
At fara av deildini
Við atliti til viðgerðina ynskja vit at tú ert á deildini undir innleggjanini. Um ynskt verður at fara av deildini, verður hetta avtalað við starvsfólki. Tú verður biðin um at boða frá, tá tú kemur og fert.Úthurðin verður stongd kl. 22.00
Fartelefon og fartelda
Tú hevur møguleika at brúka tína egnu fartelefon og farteldu á deildini. Yvirlæknin kann tó í serligum førum verða noyddur at avmarka atgongdina til telefon og teldu hjá onkrum sjúklingi, um mett verður, at viðkomandi harvið er betri vardur. Internetsamband er á eindini.Dagliga gongdin
Veking kl 08.00
Morgunmatur kl 08.00- 9.00
Morgunfundur kl 08.40
Felags gongutúrur kl 11.00
Døgurði kl 11.30
Drekka kl 14.00
Nátturði kl 17.30
Kaffi kl 19.30
Friður á deildini kl 23.00