Deildarkunning
J. C. Svabosgøta 41-49
|
Leiðandi starvsfólk
Guðrun Setberg Lindenskov,
|
Um skurðviðgerð
Tú verður biðin um at møta fastandi kl. 7.30. Tað er sera umráðandi, at magin er tómur fyri skurðviðgerð. Annars er vandi fyri at spýggja undir doyvingini. Tú skalt tí einki eta 6 tímar undan skurðviðgerðini, tó kanst tú drekka 1-1½ glas av vatni ella saft 2 tímar undan doyvingini. Tú mást ikki roykja 6 tímar fyri skurðviðgerðina, tí hetta økir um slím í andaleiðini.
Sig frá í Leiðbeiningini í forhøllini, tá ið tú kemur.
Á seingadeildini verður tú móttikin og víst til rættis. Tú verður víst á eina stovu, fært klæðir og samleikaarmband og verður fyrireikað/ur til skurðviðgerðina.
Sjúkrarøktarfrøðingar á Skurðgongini taka ímóti tær og spyrja um navn, føðingardag, ovurviðkvæmi o.a. Hetta verður gjørt fyri at tryggja allar neyðugar upplýsingar um teg. Inni á skurðstovuni kemur tú at liggja á skurðlegu. Síðani verður ein plastnál, eitt sonevnt dropp, lagt í eina æðr í arminum, so at saltvatn og neyðugt medisin kann verða givið til doyvingina. Blóðtrýstmasjett verður løgd um yvirarmin, klisturmerki, elektrodur, verða sett á bringuna til yvirvaking av hjartanum. Eisini verður ein súrevnismátari settur á fingurin. Tá hetta er gjørt, er klárt at doyva til fulla ella lokala doyving - sí meir um doyving í faldara til børn og vaksin. Ymiskt er, hvussu leingi skurðviðgerðin varir.
Eftir skurðviðgerðina verður tú koyrd/ur í viðrakning til eygleiðingar. Í viðrakning liggja bæði menn, kvinnur og børn í sama rúmi. Forhang eru ímillum sengurnar. Sjúkrarøktarfrøðingur er inni á stovuni. Sjúkrarøktarfrøðingur hyggur eftir blóðtrýsti, pulsi, andadrátti, bløðing, pínu, vamli og øðrum, og um neyðugt, verður heiluvágur givin. Viðrakningartíðin kann vara frá einum til fleiri tímar. Ikki er loyvt at fáa vitjan í viðrakning uttan undir serligum umstøðum.
Dagskurð
Landssjúkrahúsið fremur fleiri smærri skurðviðgerðir. Hesir sjúklingar verða innlagdir um morgunin og útskrivaðir sama dag. Áðrenn farið verður heim av sjúkrahúsinum er tíð til at tosa við bæði lækna og sjúkrarøktarfrøðing í tann mun, tørvur er á hesum.
Um skurðgongina
Skurðgongin hevur 6 skurðstovur har umleið 3.800 skurðviðgerðir verða framdar árliga innan sergreinarnar:
