Klinisk immunologi er sergrein sum umfatar tranfusiónsmedisin.
Uppgávan er at veita blóð til teirra, sum hava tørv á tí, og at útgreina ymiskar trupulleikar í samband við sjúklingar, sum hava andevni móti egnum ella fremmandum blóði.
Kanningar verða gjørdar av blóði frá sjúklingum, sum hava tørv á blóði beinanvegin, ella kunnu fáa brúk fyri blóði seinni, til dømis í samband við skurðviðgerð.
Tapping/blóðgoymsla
Blóðbankin hevur til uppgávu at veita tað blóð, sum tørvur er á.
Fyri at røkka hesum, er altíð ein ávís mongd av blóði á goymslu. Blóðbankin tappar umleið 40 blóðgevar um vikuna.
Tappidagar eru vanliga: miku- og hósdag kl. 8:15 til 14:00.
Starvsfólk
Deildarbioanalytikari er Joan M. Petersen.
Umframt deildarbioanalytikaran arbeiða 2-3 bioanalytikarar yrkadagar, og á tappidøgum 4 bioanalytikarar.
Samstarv
Blóðbankin samstarvar við blóðbankan á Klaksvíkar Sjúkrahúsi, Suðoyar Sjúkrahúsi og blóðbankan á Ríkissjúkrahúsinum.
Svartíð
Svar fyriliggur sama dag, prøvin er tikin – undantikið rutinuroyndir í vikuskiftinum.
Blóðbankin gevur ikki svar út til sjúklingar ella avvarðandi teirra.
Samband
Blóðbankin tel. 304500, lokal 5610, bbank@ls.fo
Blóðgevarar tel. beinleiðis: 304522, bbank@ls.fo