Deildarkunning
J. C. Svabosgøta 41-49
|
Vitjanar- og telefontíð
Vitjanartíð kl. 15.00 og 16.00 og kl. 19.00 og 20.00
|
Leiðandi starvsfólk
Guðni Remberg
|
Serøkir
Innlegging á deildini
Ein sjúkrarøktarfrøðingur hevur innleggingarsamrøðu við tær, har spurt verður um ymiskt, ið er umráðandi hjá okkum at vita fyri at veita eina so góða røkt sum gjørligt. Í hesum sambandi kanst tú eisini seta spurningar og fáa greiði á møguligum ivamálum. Lækni kannar og tosar við teg annaðhvørt á Brámóttøkuni ella á B6, har støða verður tikin til víðari kanningar og viðgerð.
Tak niður faldara Vælkomin á seingjardeild b6.
Dagliga gongdin á deildini
Um dagin hevur sami sjúkrarøktarfrøðingur ábyrgd av eini sjúklingastovu, og er tað hesin sjúkrarøktarfrøðingurin, ið veitir tær stuðul, hjálp og/ella røkt, alt eftir hvønn tørv tú hevur.
Stovugongd er vanliga millum kl. 10.00-12.00 og tá verður so vítt gjørligt ætlan løgd um víðari kanningar, viðgerð og/ella útskrivan. Hevur tú spurningar til stovugongd, eru eini góð ráð at skriva hesar niður, so tú tryggjar tær at minnast til tað, tú ynskir at spyrja um.
Samrøður og fyrispurningar
Um avvarðandi ynskja samrøðu við lækna, skalt tú sum sjúklingur geva loyvi til hetta og samrøðan er saman við tær. Ynski um samrøðu skal fráboðast í góðari tíð og so verður avtalað eitt ávíst tíðspunkt.
Um avvarðandi ringja til deildina við fyrispurningum, skal hetta gerast millum kl. 08.00-09.00 og kl. 14.00-15.00
Máltíðir á B6
kl. 07.30 Proteindrykkur
kl. 08.30 Morgunmatur
kl. 10.00 Proteindrykkur ella tílíkt
kl. 12.00 Døgurði
kl. 14.00 Seinnapartsdrekka
kl. 17.30 Nátturði
kl. 20.00 Kvøldrekka
kl. 22.00 Proteindrykkur
Føðslutrot
At vera sjúkur viðførir ofta, at matarhugurin verður niðursettur. Hetta er ein serlig avbjóðing, tí orkutørvurin samstundis økist. Tískil ynskja vit við tøttum samstarvi við teg, at tú so vítt gjørligt ikki kemur í eina støðu, har føðslutrot ger seg galdanadi. Um tú hevur serlig ynski viðvíkjandi mati, so er at kunna sjúkrarøktarfrøðingarnar um hetta.
Ynskiligt er, at etið verður í setstovuni.
Les faldara her um matin á deildini
Viðføri
Tú verður biðin um at hava egnar toiletlutir og inniskógvar við. Um tú tekur heilivág, verður tú biðin um, at taka hann við, umframt fullfíggjað yvirlit yvir heiligvágin tú tekur.
Virðislutir
Deildin hevur ikki møguleika at taka ábyrgd av virðislutum og peningi.
Prestur
Prestur er knýttur at sjúkrahúsinum. Vit hjálpa fegin við at fáa samband við prest ella annan persón frá samkomu, um ynski er til tess.