Uttanlandstænastan á Landssjúkrahúsinum
Uttanlandstænastan er ein stápseind, sum tekur sær av ferðing og uppihaldi til sjúklingar, ið eru ávístir til viðgerð uttanlands av Landssjúkrahúsinum.
Starvsfólkið vegleiðir sjúklingar og avvarðandi í mun til galdandi kunngerð. 
Harafturat hevur Uttanlandstænastan yvirskipaða ábyrgd av Sjúklingahotellinum Tórshavn í Keypmannahavn. Les um sjúklingahotellið her.

Uppgávur
Uttanlandstænastan innkallar sjúklingar, samskipar og sendir hesar til viðgerðar uttanlands. Somuleiðis tekur Uttanlandstænastan støðu til hvørs fylgjari skal játtast til sjúklingar, sum verða ávístir til viðgerð uttanlands.

Í ávísan mun veitir Landssjúkrahúsið útlendingum og persónum búgvandi í Danmark dialysu á Landssjúkrahúsinum. 
Uttanlandstænastan samskipar hesa tænastu.