Sjúklingaleiðbeinarar á Sjúkrahúsverkinum hava til uppgávu at arbeiða við viðgerðargongdum og hava virknan leiklut í at skipað góðar gongdir.
Tað er møguligt hjá sjúklingum og avvarandi at ringja til sjúklingaleiðbeinarar, um tørvur er á vegleiðing ella hjálp viðvíkjandi viðgerðargongdum. Sjúklingaleiðbeinarnir eru at at hitta í gerandisdøgum millum millum kl 9-15 á telefon 304629 ella á teldupost slb@ls.fo.
Í Sjúkrahúsverkinum arbeiða vit tilvitað við sjúklingagongdum og miða altíð eftir at skipa góðar sjúklingagongdir. Uppgávan hjá sjúklingaleiðbeinarum er at tryggja , at hetta eisini er galdandi í samlaðu sjúklinga- og sjúkugongunum, ið t.d. eru tvørtur yvir deildir, deplar og sjúkrahús. Uppgávan hjá sjúklingaleiðbeinarunum er tískil eisini at nágreina og lýsa hvat skal til fyri at betra um bæði sjúku- og sjúklingagongdir.
Í høvuðsheitum er arbeiðsuppgávan hjá sjúklingaleiðbeinarunum tvíbýtt, soleiðis at arbeiði bæði verður við sjúku- og sjúklingagongdum.
Sjúklingagongdir: Er organisatoriska arbeiðslagi í mun til viðgerðargongdina hjá sjúklinginum ella sjúklingbólkinum. Tá arbeitt verður við sjúklingagongdum krevst, at sjúklingaleiðbeinarin megnar at fylgja, greina, vísa á og fáa í lag samstarv og arbeiðsgongdir tvørtur um fakbólkar, ið bøta um sjúklingagongdirnar í organisatiónini.
Sjúkugongdir: Er at taka fatur í ítøkiligum viðgerðargongdum hjá sjúklinginum. Til tað krevst, at sjúklingaleiðbeinarin megnar at vegleiða, vísa á og ganga undan við at fáa sjúkugongd hjá ávísum sjúklingi ella sjúklingabólki í ljósmála, raðfesta og í rættari tíð at fáa í lag samstarv og arbeiðsgongdir tvørtur um fakbólkar, ið bøta um sjúkugongdir hjá sjúklingum og sjúklingabólkinum.
