Adressa
Gestalonin
|
Samband
Set teg í samband við deildina sum sjúklingurin er knýttur at fyri innivist í Gestalonini.
|
Møguleikar eru fyri vistarhaldi í Gestalonini til sjúklingar og barnakonur við bústaði uttanfyri Suðurstreymoy, sum ikki eru innløgd. Somu møguleikar eru fyri avvarðandi hjá teimum.
Gestalonin hjá Landssjúkrahúsinum er á Eirargarð 4.
Fyrsti bygningurin á høgru hond á Eirargarði hýsir Almannaráðnum og Heilsumálaráðnum.
Í næsta bygninginum, sum hevur nummar 4, finnist Gestalonin á 1. og 2. hædd.
1. hædd
Á 1. hædd er ein íbúð, tvey dupultkømur við dupultsong og 6 einkult kømur við dupultsong.
Í hvørjum kamari eru umframt song, sjónvarp, borð og stólar. Í gongini eru 3 felags baðirúm við vesi, køki og felagsstovu umframt goymslurúm.
2. hædd
Á 2. hædd er ein íbúð, eitt dupultkamar við dupultsong og 8 einkult kømur við einari song.
Íbúðirnar eru serliga ætlaðar til barnakonur, sum skulu gista í logri tíðarskeið.
Innivist
Barnakonur og sjúklingar, ið ikki nýtast at verða innløgd ella avvarðandi, sum ynskja at verða nærhendis sjúkrahúsinum, kunnu fáa kamar ella íbúð í Gestalonini, við at siga viðkomandi deild frá.
Køksøkið og gongin Kamar
Sí fleiri myndir úr Gestalonini her.
Sjúklingar
Fyri sjúklingar er gistingin ókeypis, meðan fyri avvarðandi er prísurin fyri eitt einkultkamar kr. 200,- og 300,- fyri dupultkamar pr. nátt.
Les faldara um gisting til sjúklingar her
Barnakonur
Fyri barnakonur við maka er gistingin ókeypis.
Lykil og treytir/kunning kunnu heintast hjá Leiðbeining í Forhøllini.