|
Yvirskipað krøv
Fyri at lesa til læknaskrivara skal ein hava lokið 2-ára Handilsskúlaprógv ella hava aðra viðkomandi útbúgving.
Hevur ein Students- ella HF-prógv er neyðugt við einum 12-vikurs skeiði á Handilsskúla í Danmark ella hava lokið hægri Handilsskúla-prógv í Føroyum.
Hvussu ofta tekur Landssjúkrahúsið læknaskrivaranæmingar?
Av og á. Lýst verður í bløðunum
Hvussu leingi varðir hon?
Starvstíðin er 2 ár á Landssjúkrahúsinum, treytað av, at omanfyri nevndu útbúgvingar eru loknar.
Hvussu er útbúgvingin skipað?
Í Danmark:
Útbúgvingin er skipað soleiðis, at næmingar fara til Danmarkar á skúla 4 ferðir á 3-4 vikur hvørja ferð, 5. ferð til próvtøku, har ein verkætlan verður vard.
Á Landssjúkrahúsinum:
Á Landssjúkrahúsinum verður undirvíst í anatomi, fysiologi, patologi og psykologi av lækna. Harumframt undirvísir útbúgvingarleiðarin í almennari fyrisiting og øllum praktiskum læknaskrivaravirksemi, sum fevnir um fyriskipandi og samskipandi arbeiði.
Á øllum deildum er ein, sum hevur ábyrgd av tí lesandi.
Samband
Sæunn Hansen, leiðslufulltrúi á Medisinska deplinum,
T-postur: lssauha@ls.fo